Diagnostik test sinovlari grafigi

Bilimni baholash agentligi tomonidan fevral oyida OTMlarga kirish test sinovi formatidagi namunaviy test topshiriqlari asosida diagnostik test sinovlari xizmati yo‘lga qo‘yilgan edi.

Mazkur xizmat my.uzbmb.uz saytida joriy etilgan bo‘lib, talabgorlar mazkur sayt orqali diagnostik test materiallariga buyurtma berishmoqda.

Diagnostik test materiallari talabgorlarga qulay bo‘lishi uchun barcha hududlarga yetkazib berilmoqda.

Talabgorlardan bo‘layotgan murojaatlardan kelib chiqqan holda test materiallarini yetkazib berish va natijalarni e’lon qilish bo‘yicha grafik ishlab chiqildi.

Talabgorlar mazkur grafik asosida buyurtmalarni qabul qilish, ularni yetkazib berish, javoblar varaqasini qabul qilish va natijalarni e’lon qilish muddatlari bilan tanishishlari mumkin.

Izoh: 2023-yil 21-may diagnostik test materiallariga buyurtmalarni qabul qilishning so‘nggi kuni hisoblanadi.