Oliy ta'lim muassasalarida bayram kunlarining darsi boshqa kuni o'tib beriladimi?

Savol: Assalomu Alaykum, OTMlardagi professor-o'qituvchilar bayram kunlariga to'g'ri kelgan darslarni o'tib berishga majburmi?

Yurist javobi: Bayram kunlari emas, qo‘shimcha dam olish kunlariga to‘g‘ri kelgan darslar o‘tib beriladi.

Misol uchun: O‘zbekiston Respublikasi Prezidentining 23.12.2022 yildagi PF-270-son Farmoniga muvofiq 2023-yilda besh kunlik ish haftasida ishlaydigan xodimlar uchun dam olish kunlari quyidagi tartibda ko‘chirilsin:

• 7-yanvar — shanba kunidan 3-yanvar — seshanba kuniga;
• 11-mart — shanba kunidan 20-mart — dushanba kuniga;
• 25-mart — shanba kunidan 22-mart — chorshanba kuniga;
• 29-aprel — shanba kunidan 24-aprel — dushanba kuniga.

☝️Mana shu kunlarga to‘g‘ri kelgan darslar o‘tib berilishi kerak. Lekin bayram kunlariga to‘g‘ri kelgan darslar (Mehnat kodeksi 131-modda) boshqa kunlarda o‘tib berilmaydi. Ish rejalar shu kunlarni hisobga olgan holda ishlab chiqiladi.