Bugun “Toshkentdagi Eron innovatsiyalar va texnologiyalar uyi” (IHIT)ning rasmiy ochilish marosimi bo’lib o’tdi.

Qayd etilishicha, mazkur markaz Eron kompaniyalarining innovatsion texnologiyalari, mahsulotlari va xizmatlarining doimiy ko'rgazmasini tashkil etish bilan shug’ullanadi. Shuningdek, Eronning ilmiy asoslangan kompaniyalari tomonidan ishlab chiqilgan eng yangi texnologiyalarni namoyish qilish va texnologiyani O’zbekistonga olib kirish jarayonini osonlashtirish uchun ishlab chiqilgan xalqaro dasturning bir qismidir. Bugun Toshkentdagi IHIT Eron Islom Respublikasi fan va texnologiyalar bo‘yicha vitse-prezidentining O’zbekistondagi vakili sifatida rasman ochilmoqda.

U bilim almashinuvi, texnologiyalar transferi, innovatsiyalar ekotizimini rivojlantirish va Eron hamda O‘zbekiston o‘rtasidagi ikki tomonlama munosabatlar uchun platforma yaratishni maqsadida tashkil etildi. Shuningdek, u fan va texnologiya sohasidagi hamkorlik orqali ikki mamlakatning iqtisodiy o‘sishi, ijtimoiy farovonligi va barqaror rivojlanishiga hissa qo‘shishga intiladi.

IHITT Oʻzbekiston va Eron oʻrtasida koʻprik vazifasini oʻtaydi hamda ikki davlat oʻrtasida texnologik almashinuv, hamkorlik va sheriklikni rivojlantirishga yordam beradi.

Ochilish marosimida Oliy ta'lim, fan va innovatsiyalar vazirining birinchi o'rinbosari Komiljon Karimov, Toshkent davlat iqtisodiyot universiteti rektori Kongratbay Sharipov, Toshkent davlat texnika universiteti rektori Sadritdin Turabdjonov, Toshkent farmasevtika institutining rektori Kamal Rizayev, Toshkent pediatriya tibbiyot instituti rektori Botir Daminov, Toshkent davlat sharqshunoslik universiteti hamda Toshkent axborot texnologiyalar universiteti prorektorlari, mutasaddilar, tadbirkorlar va OAV vakillari ishtirok etdi.

Uchrashuvda masofadan turib Oliy ta'lim, fan va innovatsiyalar vaziri Ibrohim Abdurahmonov ham ishtirok etdi. Vazir ayni paytda Eron islom respublikasida bo'lib turibdi. Shuningdek bugun prezident Shavkat Mirziyoyev ham Eronga tashrifi kutilmoqda.